Project Team Mein Aayi Ek Ladki...

Disclaimer : The poem is purely fictional and not related to any person dead or alive. If any resemblance to anyone is found, write another poem like this and add this Disclaimer on top of it! :-)


Aaj meri project team mein, eek nayi ladki aayi hai
Usne team ke sabhi ladkon ki, soyi ummeeeden jagai hain.

Shruwaat mein to doston, relations the bade professional
Dheere dheere, mujhe iccha huyi, baat karu main kuch personal.

Technically to pata nahi, par beauty mein to woh strong hai,
Aisi khoobsurat ladki ki help karne mein kya wrong hai?

Haalat aisi huyi meri kharaab, doston kya bataun main tumhe,
Pakki duffer nikli wohi, aur bade irritating the woh lamhe.

Ek minute discussion ka, lagta hai jaise ek saal,
Frustration itni badh jaati hai, ki kheench lun apne baal!

Das baje aati hai woh, 5.30 ko chali jaati,
Kaam khud se kuch na kare, sab kaam mujh se karvati!

Kaam saara maine kiya, credit ki woh nikli chor,
Isliye appraisal ke time pe, doston, ho gaya main ignore.

Uske peeche barbaad hue sab type ke projects,
Fir bhi rehti hai woh on top of boss's list of favourites..

Jaise taise, mar mar ke, complete kiya technical project,
Saath hi mere personal interests ko, usne berehami se kiya reject.

Is haadse ke baad, IT companies ki har ladki se main darta hun
Project team mein koi ladki na aaye, bas yehi dua main karta hun.

Mere Labz...

Khamosh meri shayari, kanjoos mere labz;

Karte hain har khayal ko, misuse mere labz...

Kuch soch samjh hoti to, appreciate bhi kar deta koi,
Khud apni hi aavaz mein, confuse mere labz...

Kabaadi vaala de gaya, vapas mere kagaz;
Main khud nahin kar pata, re-use mere labz...

Chhapte nahin kahin pe, koi padhta bhi nahi hai,
Bas mere andar hi rehte hain, mehfooz mare labz...

Kuchh sachi feelings, kuchh puraani yaadein,
Aur kuchh imaginations ko, karte abuse mere labz...

Khamosh meri shayari, kanjoos mere labz;

Karte hain har khayal ko, misuse mere labz...

Keh Denge....

I wrote this after a usual talk with a friend at Shambhu's cafe. I laughed first after writing & reading this, but then realized it could hurt someone too... Whats your take?

Pehli baar mili,
To socha chall, keh denge...

Thodi batein hui to samjha,
Jaldbaazi thik nahi, aye dil sambhal, keh denge...

Woh to pass ho gayi, apni ATKT lag gayi,
Hum peeche hi sahi, tu aage nikal, baad mein, keh denge...

Haantho main haanth daale ghume bahut,
Acche se mil jaayen agar do pal, to, keh denge...

Ussne card de ke invite kiyaa hai apni shaadi pe,
Aur dil keh raha hai, aaj to shaadi ka mahol hai, kal, keh denge...